A le zizze de Cecca

Chesse zizzelle, o Cecca, a chisto core
me fanno a buojne cchiù na grossa guerra.
Ma zizze no: song’otre, addove Ammore
ogne nsospiro mio nce mpizza e nzerra.

O so’ zampogne? O songo, a lo jancore,
cocozze fatte a sse padule n terra?
O vessiche de nzogna a lo sapore?
O songo doje cognòle de la Cerra?

O so’ pallune chisse, e so’ abbottate
da l’acqua de sto chianto e da lo viento
de li sospire mieie tanto arraggiate?

Overo ognuna è bèrtola o visaccia?
Ammore, si vuoje ch’esca da trommiento,
o fa’ che l’aggia ncuollo, o l’aggia mbraccia.