Il corpo dell’uomo

La nassion de l’omo sì è de tal color
ch’el fi inzenerao îl brut interior
de sangue che è mesgiao de puza e de sozor:
in bruta albergaria perman albergator.

Quand è venuo lo tempo, zoè ch’el ven a nasce,
no porta in quest mondo
dond el se possa pasce,
ma ven cativamente, col membre flevre e lasse:
nixun serav superbo,
chi sover zo pensasse.

Segurament lo digo che îl mond no è baron
che zamai devess star in exaltation
segond zo ch’el devrave, s’el fess ben pensason
com sia vil e orrida la sta nassion.

La vita ched el mena despresiada pare.
Fin a tant ch’el è pizeno per lavorar no vare,
altrd imbrega sempre,
le soe breg no èn rare:
conven che brega sia a pass e nudrigare.

Da po chel ‘è cresudo, ch’el è bel in persona,
voia ch’el sia masgio, voia zentil garzona,
ben pò aver de fora paruda bella e bona,
bel è nixun de dentro, ni cavalé ni dona.
No è masgio ni femena che sia de tal belleza,
ni pizeno ni grande, regina ni contessa,
che bella sia de dentro, zo dig a grand ’boldeza,
anz è vaxel de puza, vaxel de grand bruteza.

Dal corpo za no exe bontà, se no sozura:
fò per la bella boca se fa scarcài e spuda,
e per li og pur brutura;
pel nas e per le oregie
lobel vaxel de fora, ma dentro è grand marzura.