Idillio notturno
La sera se ghe va sotto i balconi,
le se saluda che nissun ve osserva;
le ve dise: «Signor, ve resto serva»,
o che parole è queste, o che bocconi!
Che mandorle, confetti e marzapani!
Che conditi e pignoli! No ghè gola!
Più de questi me piase sta parola:
co la coa fazzo festa co fa i cani.
Ma pian, che vegna un poco qualche sera,
che a una finestra le possa vegnir
per contarve el so amor, el so patir,
o vedemo che cosa che è «far ciera»!
Quel saludar coll’inchinar la testa,
quel sbassar d’occhi, tra quattro sospiri
me fa desmentegar tutti i raziri
e creder ch’ogni dì sia dì de festa.
Malcomposte in le veste, el pie descalzo,
tutte spaurose co una lume in man,
le vien zo della scala a pian a pian,
dalla scala al balcon; e xe in un sbalzo.
Le ve saluda co un’occhià pietosa;
se gh’ingroppa el so cuor per la dolcezza;
amoroso languir per tenerezza
vien all’amante e quella sta pensosa.
Così se sta senza parlar un pezzo,
tutto un tempo se ingroppa i sentimenti,
se parla senza tanti complimenti,
ché amor ve i lassa tutti per un bezzo.
«Che feu, signor? Steu come stago mi?»
qua la trà un sospiretto e la repìa:
«Credel, se sé cristian, no so che sia
pase: smanio per vu la notte e ’l dì.
El dì, co no ve vedo, mi son morta,
e la notte per vu sempre zavario.
Ho paura che vu me sie contrario,
che me serré in tel muso un dì la porta.
Moveve a compassion, vardé se v’amo:
che me metto a pericolo evidente
dei mii, dei mii visini e della zente.
Ma no ghe penso, e vu sospiro et amo».
Qua se fa pausa un poco e se respira,
se varda se alcun vien, e su la man
se sol dar qualche baso a pian a pian,
se aspetta che le arfìa, che le respira.
Imagineve vu, che avé provà
e che sé stà in frangente in sto mestier,
come se scotta là, come el pensier
co la mente e ’l cervel resta insensà.
Le xe delicie queste che rapisce
in estasi el mortal al terzo cielo;
no so più se sia un altro o se ’l sia ello,
così astratto al so ben la riverisce:
«Cosa aveu? Come steu? Che cosa xe?
No sospiré, son qua». La trà un soriso
la fenisce de darve el paradiso,
quando co un baso dise: «Respondé».
E po qua la ve fa copia del petto,
un’iride la forma col so riso,
la ve mostra la porta in tel so viso,
dove senza magnar ghe xe banchetto.
le se saluda che nissun ve osserva;
le ve dise: «Signor, ve resto serva»,
o che parole è queste, o che bocconi!
Che mandorle, confetti e marzapani!
Che conditi e pignoli! No ghè gola!
Più de questi me piase sta parola:
co la coa fazzo festa co fa i cani.
Ma pian, che vegna un poco qualche sera,
che a una finestra le possa vegnir
per contarve el so amor, el so patir,
o vedemo che cosa che è «far ciera»!
Quel saludar coll’inchinar la testa,
quel sbassar d’occhi, tra quattro sospiri
me fa desmentegar tutti i raziri
e creder ch’ogni dì sia dì de festa.
Malcomposte in le veste, el pie descalzo,
tutte spaurose co una lume in man,
le vien zo della scala a pian a pian,
dalla scala al balcon; e xe in un sbalzo.
Le ve saluda co un’occhià pietosa;
se gh’ingroppa el so cuor per la dolcezza;
amoroso languir per tenerezza
vien all’amante e quella sta pensosa.
Così se sta senza parlar un pezzo,
tutto un tempo se ingroppa i sentimenti,
se parla senza tanti complimenti,
ché amor ve i lassa tutti per un bezzo.
«Che feu, signor? Steu come stago mi?»
qua la trà un sospiretto e la repìa:
«Credel, se sé cristian, no so che sia
pase: smanio per vu la notte e ’l dì.
El dì, co no ve vedo, mi son morta,
e la notte per vu sempre zavario.
Ho paura che vu me sie contrario,
che me serré in tel muso un dì la porta.
Moveve a compassion, vardé se v’amo:
che me metto a pericolo evidente
dei mii, dei mii visini e della zente.
Ma no ghe penso, e vu sospiro et amo».
Qua se fa pausa un poco e se respira,
se varda se alcun vien, e su la man
se sol dar qualche baso a pian a pian,
se aspetta che le arfìa, che le respira.
Imagineve vu, che avé provà
e che sé stà in frangente in sto mestier,
come se scotta là, come el pensier
co la mente e ’l cervel resta insensà.
Le xe delicie queste che rapisce
in estasi el mortal al terzo cielo;
no so più se sia un altro o se ’l sia ello,
così astratto al so ben la riverisce:
«Cosa aveu? Come steu? Che cosa xe?
No sospiré, son qua». La trà un soriso
la fenisce de darve el paradiso,
quando co un baso dise: «Respondé».
E po qua la ve fa copia del petto,
un’iride la forma col so riso,
la ve mostra la porta in tel so viso,
dove senza magnar ghe xe banchetto.