Giorgio Sommariva

Siando zià fora al ponto de Meian,
la Togna di Borpati, tuta ardìa,
se sdrusse contra mi, sì rebelìa
con fa gi ururi che leva da doman;

e sì me disse: «Dè te dia el bon an,
mescagin me, ti e la toa compagnia!»
E mi ge dissi: «Chi cri – tu che sia?
no – 1 dige mi che ge n’aremo, hahan?

T’è una pustema; tu vo pur doniare
sti fanti citaini, e po me vuò
ancora sovra’l pressio scalefare!»

Ela me disse: «Non te scorezare,
ché te vuò megi che om che vesse ancuò;
s’tu me vuò ben, mo fa-me domandare».

Agna muò el voio fare,
me no so mo s’i suò me-la darà:
consegiame ti, frel, che ge stè in ca’.