Da Briggetella
Che vuo’ fa? me vuo’ purta’ ’ncopp’ ’a ’Nfrascata?
Ma pecché ce ’a vuo’ sciupa’ sta scampagnata?
Tanto io vino nun ne vevo:
e, si pure ce venevo,
chello ’ncapa nun me jeva.
Oh, ma insomma? e po’ sape’?
Leva ’a mano ’a sott’ ’a mme!
Nun me cuoglie sott’ ’a scella:
songo sempe Briggetella!
Si mme spuse, a nomme ’e Ddio,
st’uosso ccà t’ ’o spuzzulìe:
anze è meglio ca tu ’a miette
na sopponta sott’ ’o lietto;
ma, si cride ’e fa’ pe’ spasso
bellu mio tu nun m’ ’a scasse.
Ah? Me spuse? ’Un parlo cchiù!
Miette ’e mmane addo’ vuo’ tu!
Ma pecché ce ’a vuo’ sciupa’ sta scampagnata?
Tanto io vino nun ne vevo:
e, si pure ce venevo,
chello ’ncapa nun me jeva.
Oh, ma insomma? e po’ sape’?
Leva ’a mano ’a sott’ ’a mme!
Nun me cuoglie sott’ ’a scella:
songo sempe Briggetella!
Si mme spuse, a nomme ’e Ddio,
st’uosso ccà t’ ’o spuzzulìe:
anze è meglio ca tu ’a miette
na sopponta sott’ ’o lietto;
ma, si cride ’e fa’ pe’ spasso
bellu mio tu nun m’ ’a scasse.
Ah? Me spuse? ’Un parlo cchiù!
Miette ’e mmane addo’ vuo’ tu!