Salvatore Di Giacomo

Nu pianefforte ’e notte
gona luntanamente,
e ’a museca se sente
pe ll’aria suspirà.
È ll’una: dorme ’o vico
ncopp’ a sta nonna nonna
’e nu mutivo antico
’e tanto tiempo fa.
Dio, quanta stelle ncielo!
Che luna! E c’aria doce!
Quanto na bella voce
vurria sentì cantà’!
Ma sulitario e lento
more ’o mutivo antico;
se fa cchiù cupo ’o vico
dint’ a ll’oscurità.
L’anema mia surtanto
rummane a sta fenesta.
Aspetta ancora. E resta,
neantannose, a penzà.