Le pute de San Lunardo

Le pute de San Lunardo
g’ha le gambe de bombàso
e quando che le camina
le se ghe storse le se ghe inchina.
La la la…

E quéle de Rialto
le va in giro col taco alto,
le se volta par de drìo,
vede quel béco de so marìo.
La la la…

E quéle de la Bràgola
le g’ha l’oro che ghe bàgola,
le g’ha i còtoli ricamài;
i marineri ghe li g’ha pagài.
La la la…

E quéle de San Lìo
le va in leto sensa marìo,
le fa fiòi alegramente:
so marìo no ghe dise niente.
La la la…

E quéle de San Marcuòra
le g’ha l’abito che ghe svola,
le g’ha el còtolo de saco,
camisa al culo no ghe ne cato.
La la la…

E quéle de qua drìo
loro le porta la bustina
larga abasso e streta in cima
perché peti no ghe ne g’ha.
La la la…

E feghe la nìo-nana,
con quatro bachete se bate la lana
e con tre se bate la séa,
viva le pute de Sant’Andrea!
La la la…