Cesare Zavattini

I dis: al scriveva mei na volta,
ca sum dvantà volgare.
A l’arcnosi e an po’ am’ g’afeziuni.
Da pütlet a santiva me padar
bravà cmi sant e la madona, l’era grand,
ad not l’impiniva la camara
di bramiti, e pr’amur quasi
al strusava me madar (a naseva i me fradei),
le la murmurava frasi a metà
dna dulsesa che ad dé
a n’an catava pò li pesti.

Diu al ghé.
S’a ghé la figa al ghé.
Sul lö al pudeva invantà
na roba acsé
cla pias a töti a töti
in ogni luogo,
ag pansom anca s’an s’ag pensa mia,
apena ca t’la tochi a cambióm facia.
Che mument! long o curt al saióm gnanca.
La fa anc di miracui,
par ciamala
an möt
a ghé turnà la vus.
Ah s’a pudés spiegaram ma
l’è dificil
cme parlà dal nasar e dal murir.

È duro è duro è duro
gridai lungo la rampa delle scale.
Dopo la guerra non si drizzava più
da quattro mesi. Invano lo squassavo il lumacone.
Decisi
di buttarmi dall’attico.
Inesistiti mi pareano i tempi che ovunque fossi
come brezza il pensiero di lei
dal nulla lo faceva lievitare
anzi dovevo badarvi con la mano in tasca
per celare il rigonfio nei calzoni.
Non credo eppur pregai.
Sentii dunque all’improvviso
un che tra l’aurora e il coro dei «lombardi»,
un calore solenne,
non so forse c’entrava
la turgida cascata delle Marmore,
gridai
è duro è duro
piangendo
lungo la rampa delle scale.

Sota la finestra
dna furastéra
ot
zuvnot
na not
pina da steli
ia tirà föra
al grél.
Ve zò
i g’adgeva.
Lé meza lugada
in dl’ombra
la rideva.